Dünyada dini terrorizm yenidən aktivləşə bilər.

Axar.az xəbər verir ki, bu məlumat BMT-nin terrorizmlə bağlı hazırladığı xüsusi hesabatda yer alıb. Məlumata görə, beynəlxalq terrorizmdə son zamanlar yaşanan sakitlik qısa zaman ərzində sona çatacaq və Yeni il ərəfəsində yeni hücum dalğası yaşanacaq. Hesabatda həmçinin İŞİD-in Suriya savaşında sağ qalan 30 min xarici terrorçusunun Türkiyəyə qaçmağa cəhd edəcəyi bildirilib.

BMT həmçinin yaxın gələcəkdə İŞİD-in xarici terrorçularının bir qisminin Əl Qaidə terror təşkilatına, bəzilərinin isə başqa terror təşkilatlarına girə biləcəyini qeyd edib. Bu terrorçuların Avropada terakt təşkil etmək riskinin hələ də yüksək olduğu vurğulanıb.