Ötən həftə Norveçin Barum şəhərində Əl-Nur məscidinə edilən silahlı hücumla bağlı maraqlı detal üzə çıxıb.

Axar.az xəbər verir ki, məsciddəkilərdən birinin hücum edən şəxsə müdaxiləsi xəsarət alanların sayının artmasının qarşısını alıb.

Hadisə baş verən an məsciddə olan və Quran oxuyan 65 yaşlı Məhəmməd Rəfiq hücum edən şəxsə müdaxilə edərək silahını əlindən alıb.

Hadisə şahidləri 65 yaşlı şəxsi qəhrəman adlandırıb.

Hücumu törədən 21 yaşlı Filip Manşausun terrorla əlaqəsinin olub-olmadığı araşdırılır.

Qeyd edək ki, ötən şənbə Norveçin Barum şəhərində Əl-Nur məscidinə silahlı hücum olub. Hücum nəticəsində bir nəfər yaralanıb.