Ukrayna Prezidenti Vladimir Zelenski hökumətə siyasi təqiblərə məruz qalan rusiyalılara vətəndaşlıq verilməsinin asanlaşdırılması barədə qanun layihəsinin hazırlanmasıyla bağlı tapşırıq verib.

Axar.az xəbər verir ki, bu barədə məlumat Ukrayna prezidentinin rəsmi saytında yerləşdirilib.

Zelenskinin imzaladığı əmrdə Ukraynanın müdafiəsi və milli təhlükəsizliyinin təmini məsələsində iştirak edən xaricilərə də vətəndaşlığın verilməsi məsələsi yer alıb.

Qeyd edək ki, bundan öncə Rusiya qondarma Donetsk və Luqansk "xalq respublikaları"nın sakinlərinə asanlaşdırılmış qaydada Rusiya vətəndaşlığının verilməsinə dair qərar qəbul etmişdi.