21:21

NATO qüvvələrinə aid F-18 qırıcısı göyərtəsində Rusiya Müdafiə naziri Sergey Şoyqunun olduğu təyyarəyə təhlükəli dərəcədə yaxınlaşıb.

Axar.az xəbər verir ki, Rusiyaya aid 2 Su-27 qırıcısı sözügedən F-18-i uzaqlaşdırmağı bacarıb.

Məlumata görə, nazirin olduğu təyyarə Kalininqrad bölgəsindən Moskvaya qayıdırmış.

İnsidentlə bağlı əlavə məlumat verilmir.

***

NATO F-18 qırıcısının Rusiya Müdafiə naziri Sergey Şoyqunun təyyarəsinə yaxınlaşması ilə bağlı açıqlama verib.

Alyansdan bildirilib ki, müdafiə nazirinin olduğu təyyarə NATO-nun hava sahəsinə yaxın məsafadə uçub. Təyyarəni müəyyənləşdirmək üçün F-18 təyyarəsi havaya qaldırılıb. Qırıcı müəyyənləşdirməni yerinə yetirdikdən sonra bazaya qayıdıb.

NATO təyyarədə kimin olması ilə bağlı əvvəldən onlarda məlumatın olmadığını xüsusi vurğulayıb.