Səudiyyə Ərəbistanı və Birləşmiş Ərəb Əmirlikləri (BƏƏ) Yəməni parçalamağa çalışır. Amma onlar buna müvəffəq olmayacaq.

Axar.az xəbər verir ki, bunu İranın Ali dini lideri Əli Xamenei husilərin “Ənsar Əlla” hərəkatının nümayəndə heyəti ilə görüşü zamanı deyib.

“Onlar (Səudiyyə Ərəbistanı və BƏƏ - red.) Yəməni parçalamağa çalışır. Bu plana bütün qüvvə ilə müqavimət göstərmək və Yəmənin birliyini və ərazi bütövlüyünü qorumaq lazımdır”, - Xamenei bildirib.

Ali dini lider deyib ki, Səudiyyə Ərəbistanı və BƏƏ Yəməndə böyük cinayətlər törədiblər, amma onlar istədikləri nəticəni əldə edə bilməyəcək.