Etiraz aksiyalarında iştirak edənlərin sayı getdikcə azalmağa başlayır. Namizədlərin qeydiyyatı olduqca az adamı narahat edir.

Axar.az xəbər verir ki, bu sözləri rusiyalı politoloq Dmitri Qusev ötən gün Moskvada Rusiya Federasiyası Kommunist Partiyasının (RFKP) təşkil etdiyi mitinq barədə danışarkən deyib.

“Ümid edirəm ki, bütün provokatorlar cəzalandırılacaq və xalq anlayacaq ki, bunlara diqqət etmək lazım deyil. Situasiya qanunla yoluna qoyulmalı, kimin haqlı, kimin günahkar olduğu müəyyən edilməlidir”, - deyə Qusev bildirib.

Qeyd edək ki, ötən gün RFKP-nin təşkilatçılığı ilə Moskvanın mərkəzində “Ədalətli seçki naminə” şüarı ilə mitinq keçirilib.

Mitinqdə 5 minə yaxın insan iştirak edib.