ABŞ Prezidenti Donald Tramp Qrenlandiya adası ilə maraqlanır.

Axar.az xəbər verir ki, bunu “Foks Nyus” televiziyasına açıqlamasında ABŞ-ın İqtisadi Şura qurumunun sədri Larri Kudlov deyib.

O, adanın strateji baxımdan çox əhəmiyyətli olduğunu söyləyib:

“Prezident Harri Trumen uzun illər Qrenlandiyanı almaq istəyirdi. Qrenlandiya Danimarkaya aiddir. Danimarka da bizim müttəfiqimizdir. Qrenlandiya strateji baxımdan çox əhəmiyyətlidir. Orada çoxlu miqdarda dəyərli mineral qaynaqlar var. İndi təxmini proqnoz vermək istəmirəm. Sadəcə daşınmaz əmlak almaq məsələsində bəzi şeylər bilən prezident Qrenlandiyanı almaq ehtimalını araşdırmaq istəyir”.

Qeyd edək ki, bundan əvvəl də Donald Trampın Qrenlandiyanı almaq istədiyi iddia edilmişdi. Qrenlandiya rəsmiləri isə buna kəskin reaksiya vermişdi.