Rusiyanın G8-ə hüquq bərabərliyi olmadan geri qayıtması qəbuledilməzdir.

Axar.az xəbər verir ki, bunu Rusiya Federasiya Şurasının Beynəlxalq Məsələlər Komitəsinin rəhbəri Konstantin Kosaçev deyib.

O, G8-in modernləşdirilməsi, Çinlə Hindistanın da bu formata qatılması gərəkdiyini bildirib:

“Rusiyanın yeddiliyə qayıtması, yalnız “yeddi birə qarşı” tələsindən qaçmaq mümkün olacağı halda məna kəsb edəcək. Bu formatın çinli və hindistanlı tərəfdaşlarımızı qatmaqla daha qətiyyətli modernləşdirilməsinin aparılması necə olar? Çin və Hindistan kimi ölkələr iqtisadiyyat və dünya siyasətinə təsir baxımından bütün əsaslara sahibdirlər”.