Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
22 Sentyabr 2019


Körfəzdə müharibəni biz başlatmayacağıq - Zərif

Ana səhifə Planet
12 Punto 14 Punto 16 Punto 18 Punto

İran bu ölkənin nüvə proqramına dair 2015-ci ildə imzalanmış beynəlxalq sazişi xilas etmək barədə Fransanın təklifləri üzərində çalışmağa hazırdır.

Report xəbər verir ki, bunu İranın xarici işlər naziri Məhəmməd Cavad Zərif Osloda Norveç Beynəlxalq Münasibətlər İnstitutundakı çıxışı zamanı bildirıb.

O, məsələyə dair sabah, yəni cümə günü Parisdə Fransa prezidenti Emmanuel Makronla ciddi söhbət etmək fikrində olduğunu diqqətə çatdırıb.

Qeyd edək ki, ötən gün Fransa prezidenti Emmanuel Makron adıçəkilən sazişi bərpa səyləri çərçivəsində ABŞ-ın İrana qarşı sanksiyalarını yumşaltmaq, yaxud sazişə doğru qayıdış yolunda İran xalqına daha yaxşı yaşamaq imkanı yaratmaq üçün təzminat mexanizmini dəstəkləməyin zəruri olduğunu bildirmişdi.

ABŞ tərəfindən Hörmüz boğazında gəmiçiliyi qorumaq üçün təhlükəsizlik missiyası yaratmaq və həmin missiyaya Böyük Britaniyanı, Bəhreyni, Avstraliyanı cəlb etmək istiqamətindəki addımlarına toxunan iranlı nazir “kiminsə bizim sulara gəlib bizi təhdid etməsinə qarşı durub kənardan baxacağımızı qoy heç kim zənn etməsin” deyə fikir bildirib.

“Fars körfəzində müharibə olacaqmı? Sizə deyə bilərəm ki, müharibəni başlayan biz olmayacağıq... lakin özümüzü müdafiə edəcəyik”, - deyə İran xarici işlər naziri vurğulayıb.

Xatırladaq ki, bu gün İran prezidenti Həsən Ruhaninin iştirakı ilə yeni “Bəvar-373” uzaq mənzilli yerüstü - hava müdafiə raket sisteminin təqdimatı keçirilib. Müdafiə naziri Əmir Hatəmi yeni sistem vasitəsilə 300 kilometr məsafədə təyyarə və başqa hədəfləri müşahidə etmək, 200 kilometrlik məsafədə isə məhv etmək imkanı yarandığını bildirib.

Tarix
2019.08.22 / 21:58
Müəllif
Axar.az
Şərhlər
Digər xəbərlər

Rusiyada İŞİD üzvləri ələ keçirildi

ABŞ S-400-ə qarşı hazırlıq keçir

Suriya sərhədində bayraq "oyunu": Türkiyə təzyiq etdi

Poroşenko: O, Putindən əvvəl mənimlə görüşdü

İranda 40 ilin ilki: Rusiya və Çinlə birgə...

Qonşuda güclü külək: Ciddi dağıntılar var

Tacikistanda rus əsgərlərinə hücum edildi

Torpağını döyüş meydanına çevirmək istəyən buyursun - İran

Albaniyada zəlzələ: 68 nəfər yaralandı - Foto

Nikoldan Bakıya qarşı yeni provokasiya - Video

KULT
<>
Xəbər xətti
 
e-vetendash
Axar.az'da reklam Bağla
Reklam
Bize yazin Bağla