Rusiya Prezidenti Vladimir Putin Təhlükəsizlik Şurasının üzvləri ilə keçirdiyi iclasda Müdafiə və Xarici İşlər Nazirliklərinə ABŞ raketlərinin Rusiya üçün təhlükəsini təhlil etmələrini tapşırıb.

Axar.az xəbər verir ki, görüşün stenoqramı Kremlin rəsmi saytında yayımlanıb.

“Yeni şəraiti nəzərə alaraq Rusiya Federasiyasının Müdafiə Nazirliyinə, Xarici İşlər Nazirliyinə və digər aidiyyatı qurumlara ABŞ raketlərinin ölkəmiz üçün yaratdığı təhdidin səviyyəsini təhlil etməyi və simmetrik cavab vermək üçün tədbirlər görməyi tapşırıram”, - Putin bildirib.