Ana səhifə Planet |
Moldova hökuməti tərəfindən beynəlxalq axtarışa verilən deputat İlan Şor İsraildədir.
Axar.az xəbər verir ki, bu barədə İnterpolun Moldovadakı nümayəndəsi Viorel Çentiu deyib.
“Məlum olub ki, İlan Şor hazırda İsraildədir. Onu İnterpolun kanalı vasitəsilə axtarırlar. Əgər Şor harasa getmək istəsə, həbs olunacaq və Moldovaya ekstradisiya olunacaq”, - Çentiu bildirib.
Onun sözlərinə görə Şoru 194 ölkədə axtarırlar.
Qeyd edək ki, bundan öncə Şora ölkəni qanunsuz tərk etməsi faktıyla əlaqədar cinayət işi açılıb. Onun ölkəni tərk etməsinə qadağa 2017-ci ildə qoyulub.
Şor ölkənin ən nüfuzlu siyasətçilərindən biridir. O, Şor Partiyasının sədridir. Bu partiya ölkənin ən nüfuzlu dördüncü partiyası sayılır. Şor həmçinin məşhur rusiyalı müğənni Jasminin həyat yoldaşıdır.
Tarix
2019.08.23 / 16:58
|
Müəllif
İlkin Həsənov
|