ABŞ Prezidenti Donald Tramp amerika şirkətlərinə Çin bazarına alternativ tapılması ilə bağlı göstəriş verib.

Axar.az xəbər verir ki, Ağ Ev rəhbəri bununla bağlı Tvitter səhifəsində paylaşım edib.

“Ölkəmiz uzun illər axmaqcasına Çinə görə trilyonlarla dollar itirib. Onlar (Çin) ildə bizim yüzlərlə milyardlıq intellektual mülkiyyətimizi oğurlayıblar. Hələ də bunu davam etdirmək istəyirlər. Buna icazə verə bilmərəm! Bizə Çin lazım deyil. Sözün düzü, onlarsız daha yaxşı olardı”, - deyə Ağ Ev rəhbəri bildirib.