ABŞ hökuməti Skripal məsələsi ilə bağlı Rusiyaya qarşı sanksiyalarının ikinci silsiləsini avqustun 26-dan qüvvəyə mindirəcək.

Report xəbər verir ki, ABŞ Federal Reyestrinin elektron bazasında yerləşdirilən Dövlət Departamentinin müvafiq açıqlamasına görə sözügedən sanksiyaların tətbiqi Ağ Ev və Dövlət Departamenti tərəfindən bu ayın əvvəlində elan olunmuşdu.

Belə ki, avqustun əvvəlində ABŞ prezidenti Donald Tramp kimyəvi və bioloji silahlara nəzarət və onların tətbiq edilməməsi haqqında 1991-ci ildə qəbul olunmuş qanunu pozan ölkəyə qarşı müvafiq məhdudlaşdırıcı tədbirlərlə bağlı prosedurlara dair fərman imzalamışdı.