Danimarka Baş naziri Mette Frederiksenlə ABŞ Prezidenti Donald Tramp arasında telefon danışığı baş tutub.

Axar.az xəbər verir ki, bu barədə “Assoşeyted Press” agentliyi məlumat yayıb. Agentlik danışıqların konstruktiv qaydada keçdiyini bildirib.

Danimarka baş nazirinin mətbuat xidməti telefon danışığının detallarının açıqlanmayacağını bəyan edib.

“Blumberq” agentliyi isə Danimarka və onun Qrenlandiya muxtariyyəti arasında Arktikanın artan strateji rolu ilə əlaqədar müdafiə və təhlükəsizliyin artırılması istiqamətində razılığın əldə olunduğunu bildirib.