Beynəlxalq tərəfdaşlarımızın işğal məsələsində Gürcüstana yardımı mütləqdir.

Axar.az xəbər verir ki, bunu Litvada çıxışı zamanı Gürcüstan Prezidenti Salome Zurabişvili deyib. Onun sözlərinə görə, bu yardım Rusiya ilə mövcud olan danışıqlar formatında özünü göstərməlidir:

“Bu gün ərazilərin işğalı, qanunsuz sərhəd çəkilməsi, hərəkət azadlığının məhdudlaşdırılması Rusiyanı beynəlxalq prinsiplərlə üz-üzə qoyur. Bizə tərəfdaşlarımızın dəstəyi lazımdır ki, beynəlxalq təşkilatların prosesə cəlbi daha effektiv olsun. Bu, konflikt və işğalın həll edilməsi üçün vacibdir. Avropa liderləri Rusiyanı Gürcüstana münasibətdə güc tətbiqi və təhdidlərdən imtina etməyə inandırmalıdırlar”.