ABŞ Prezidentinin milli təhülkəsizlik üzrə müşaviri Con Bolton Çinin “Beijing Skyrizon Aviation” şirkətinin Ukraynanın “Motor Sich” müəssisəsini almasına mane olmağa hazırlaşır.

Axar.az xəbrə verir ki, bu məlumatı “Vol Strit Jurnal” qəzeti öz mənbələrinə istinadən yayıb.

Məlumata görə, artıq ABŞ Milli Təhlükəsizlik Şurasının əməkdaşları və ABŞ-ın Kiyevdəki səfirliyinin nümayəndələri gələn həftə Boltonla “Motor Sich”in rəhbərliyinin görüşünü təşkil etməyə çalışırlar. Qəzetin mənbəsi bu obyektin alınmasına ABŞ-ın mane olmasının Çinə qarşı aparılan strateji rəqabətin bir hissəsi olduğunu deyib.

Qeyd edək ki, “Motor Sich” Zaporojyedə yerləşən müəssisədir. Bu müəssisə aviasiya üçün qaz turbinli mühərriklər hazırlayır. Bu müəssisənin məhsulları dünyanın 120 ölkəsindəki təyyarə və vertolyotlarda istismar edilir.