İsrail ordusunun hücumu nəticəsində Suriyadakı İran obyektlərinə ziyan dəyməyib.

Axar.az xəbər verir ki, bunu İran Siyasi Məşvərət Şurasının katibi, SEPAH-ın eks-komandanı Möhsün Rezayi deyib.

“Bu məlumat yalandır və həqiqəti əks etdirmir. ABŞ və İsrail İranın müxtəlif obyektlərinə zərbə vuracaq qədər gücə malik deyil. Bizim qüvvələrimiz zərər görməyib”, - Rezayi İLNA agentliyinə açıqlamasında deyib.

Qeyd edək ki, dünən gecə saatlarında İsrail aviasiyası Dəməşqdə bir sıra obyektlərə zərbələr endirmişdi.

İsrail ordu rəhbərliyi zərbələrin İran ordusunun Dəməşqdəki obyektlərinə endirildiyini bildirmişdi.