ABŞ-ın Florida ştatında təyyarə kirayəsi və satışı ilə məşğul olan “JeatLease Palm Beach” şirkəti 1980-ci il istehsalı olan F-16A/B Block 20 hərbi təyyarəsini satışa çıxarıb.

Axar.az xəbər verir ki, şirkət gecəgörmə cihazı, GPS-lə idarə olunan silah sistemi və daha 8 min saat uça bilən təyyarəyə 8.5 milyon dollar qiymət qoyub.

ABŞ mətbuatı bu şirkətin 2017-2018-ci illərdə NATO üzvü olan Hollandiya və Belçika kimi ölkələrdən onlarla F-16 təyyarəsi aldığını yazıb.

Şirkətin satış siyahısında CASA C-295, C-130 Herkules hərbi nəqliyyat təyyarələri, AH-1 Super Kobra kimi helikopterlər də var.