Ermənistanın keçmiş prezidenti Robert Köçəryanın şikayətlərinə baxılacaq Konstitusiya Məhkəməsinin binası qarşısında etiraz aksiyası keçirilir.

Axar.az xəbər verir ki, 100-ə yaxın tərəfdaşı əllərində Köçəryanın fotolarını tutaraq onun dərhal həbsdən azad edilməsini tələb edirlər.

Məhkəmənin həyətinə polis qüvvələri yerləşdirilib.

Qeyd edək ki, iyunun 25-də Ermənistan Apellyasiya Məhkəməsi Robert Köçəryanın azadlığa buraxılması haqqında qərarı ləğv etmişdi. O, konstitusion quruluşu yıxmaqda (2008-ci ildə keçirilən prezident seçkilərindən sonra baş verən kütləvi toqquşmalar) və böyük miqdarda rüşvət almaqda ittiham olunur.