Rusiya Müdafiə Nazirliyi “Vedemosti” qəzetinin İdlibdə 3 rusiyalı əsgərin həlak olması ilə bağlı yaydığı məlumatı təkzib edib.

Axar.az xəbər verir ki, MN bu yöndə yayılan məlumatların əsassız olduğunu açıqlayıb.

“İdlibin gərginliyin azaldılması ərazisindəki Curin bölgəsində Rusiyanın müşahidə məntəqəsi yoxdur. Rusiya qəzeti tərəfindən əsgərlərin öldürülməsi ilə bağlı yayılan məlumatlar həqiqətə uyğun deyil”, - deyə bildirilib.

Qeyd edək ki, “Vedemosti” İdlibin Curin bölgəsində Rusiya müşahidə məntəqəsi yaxınlığında partlayışın baş verməsini və nəticədə 3 rus əsgərin öldüyünü, 2-nin yaralandığını iddia etmişdi.