Təhlükəsiz bölgə planımızı tamamlayanda ən azı bir milyon insanı orada məskunlaşdıracağıq.

Axar.az xəbər verir ki, bunu Türkiyə Prezidenti Rəcəb Tayyib Ərdoğan Suriyada təhlükəsiz bölgə yaradılması barədə görülən işlərdən danışarkən deyib. O, ölkəsinin 4 milyon miqrantın problemlərini həll etməsinin elə də asan başa gəlmədiyini bildirib:

“İdlibdəki mövcud problemləri təkbaşına həll etməyəcəyimizi Avropaya və dünyaya açıq formada elan etdik. Dedik ki, bu yükü paylaşacaqsınız, əks halda qapıları açarıq. Bu vaxta qədər 40 milyard dollara qədər vəsait xərcləmişik. Avropa Birliyindən AFAD-a 3 milyard dollar dəstək göstərilib. Türkiyə 4 milyon miqrantın yükünü necə daşıyacaq? İnciməsinlər, burada oldu oldu, olmasa, qapıları açmaqdan başqa çarəmiz yoxdur. Həmişə biz düşünməyəcəyik, bir az da onlar düşünsün. Suriyalılardan 350 min nəfəri təhlükəsiz vəziyyətə gətirdiyimiz ərazilərə yerləşdirmişik. "Gəlin bunları birgə edək" dedik, səs çıxmadı. Biz bu addımı atmağa məcburuq”.