17:34

Gürcüstan parlamenti keçmiş daxili işlər naziri Georgi Qaxariyanın başçılıq edəcəyi yeni hökumətə və proqramına etimad göstərib.

Axar.az xəbər verir ki, səsvermədə iştirak edən 150 deputatdan 98-i Qaxariyanın lehinə səs verib. Hökumətin təsdiqlənməsi üçün 76 səs kifayət edirdi.

Qeyd edək ki, keçmiş Baş nazir Mamuka Baxtadze sentyabrın 2-də istefa vermişdi.

***

Gürcüstan hökumətinin çox sayda yaxşı təşəbbüs və planları var.

Report xəbər verir ki, bu barədə Gürcüstanın Baş naziri Georgi Qaxariya jurnalistlərə bildirib.

O deyib ki, hazırda diqqəti konkret nəticələr üzərində cəmləməyin vaxtıdır:

“Hökumətin başlıca vəzifəsi bütün yaxşı təşəbbüslərin reallaşdırılmasıdır. Biz yaxın gələcəkdə hər bir vətəndaş üçün əhəmiyyətli nəticə əldə etmək üçün əlimizdən gələn hər bir şeyi edəcəyik”.

G.Qaxariya qeyd edib ki, yeni hökumətin əsas prinsipləri arasında effektivlik birinci yerdə olacaq.