ABŞ Prezident Administrasiyası Con Boltonun yerinə 10 nəfərin namizədliyini nəzərdən keçirir.

Axar.az xəbər verir ki, bu məlumatı CNN yayıb. Məlumata görə, administrasiyanın nəzərdən keçirdiyi namizədlər sırasında ABŞ-ın İran üzrə xüsusi nümayəndəsi Brayan Huk da yer alıb.

Televiziyanın mənbəsi Hukun özünün də bu vəzifəni tutmaqda maraqlı olduğunu vurğulayıb. Üstəlik, Huka Ağ Evdə xoş münasibət bəsləndiyi də bildirilib.

Digər namizədlər sırasında ABŞ-ın ehtiyatda olan general-mayoru Rikki Uoddel, ABŞ-ın Şimali Koreya üzrə xüsusi nümayəndəsi Stiven Biqan, Rob Bleyer, Mayk Pensin milli təhlükəsizlik üzrə müşaviri Kit Kelloq, ABŞ-ın Almaniyadakı səfiri Riçard Qrenel, ABŞ-ın Niderlanddakı səfiri Pita Hukstra, ehtiyatda olan polkovnik Duqlas Makqreqor, Frederika Fleyça və Talibanla danışıqların tərəfdarı sayılan ehtiyatda olan general Cek Kin yer alıb.