ABŞ Prezidenti Donald Tramp “Saudi Aramko” şirkətinə məxsus neft emalı zavodlarına edilən hücumla əlaqədar Səudiyyə Ərəbistanı vəliəhdi şahzadə Məhəmməd bin Salmanla telefon əlaqəsi saxlayıb.

Axar.az xəbər verir ki, bu barədə Səudiyyənin rəsmi xəbər agentliyi olan SPA məlumat yayıb. Tramp Səudiyyənin təhlükəsizliyini və sabitliyini dəstəkləyən bütün məsələlərdə işbirliyinə hazır olduğunu bildirib və neft emalı zavodlarına edilən hücumun ABŞ və dünya iqtisadiyyatına mənfi təsir etdiyini qeyd edib.

Həmçinin agentlik Trampın Salmanla ikitərəfli münasibətləri, habelə beynəlxalq və regional problemləri müzakirə etdiyini də bildirib.

Qeyd edək ki, pilotsuz uçuş aparatlarının hücumu nəticəsində "Saudi Aramko" şirkətinə məxsus Abkayk və Xurays bölgələrindəki neft email zavodlarında yanğınlar baş verib.