Dubay Beynəlxalq Hava Limanına enişi planlaşdırılan 2 təyyarə ərazidə pilotsuz uçuş aparatının (PUA) şübhəli uçuşu səbəbindən başqa aeroporta yönləndirilib.

Axar.az xəbər verir ki, bu barədə aeroportun mətbuat xidməti məlumat yayıb.

Bildirilib ki, yerli vaxtla saat 12:36 və 12:51 arasında hava limanının fəaliyyəti müvəqqəti olaraq dayandırılıb.

Qeyd edək ki, bir müddət öncə Yəməndəki husi üsyançıları Dubay və Əbu-Dabidəki strateji obyektlərə hücum edəcəklərini açıqlamışdı. Bu səbəbdən sözügedən olay rəhbərlikdə ciddi narahatlığa səbəb olub.