Misir lideri Əbdülfəttah Sisinin özü ilə birlikdə Nyu Yorka apardığı TEN TV kanalının müxbiri Nəşət əl-Dihi FETÖ lideri Fətullah Güləndən müsahibə alıb.

Axar.az xəbər verir ki, Güləni malikanəsində ziyarət edən jurnalist onun ABŞ kəşfiyyatının himayəsində olduğunu və mühafizə edildiyini qeyd edib.

Müsahibə zamanı Gülən Sisinin xalqın mənafeyini qoruyan bir lider olduğunu söyləyib və onun üçün dua etdiyini bildirib.

Bundan əlavə, Dihi Güləni Misirə dəvət etdiyini də açıqlayıb:

“Misirə dəvət etdim və mənə ölkəmizə gələcəyi ilə bağlı vəd verdi. Bu onun böyük xəyalı və arzusudur. Prezident Əbdülfəttah Sisi üçün dua etdi”.

Qeyd edək ki, Türkiyə mətbuatı sözügedən jurnalistin jurnalist kimliyi altında Misir kəşfiyyatına çalışdığını yazır. Bəzi mənbələr onu FETÖ-nün Misirdəki təmsilçisi kimi xarakterizə edir.