ABŞ Prezidenti Donald Tramp Ukraynaya hərbi yardımı dayandırmasının səbəblərini açıqlayıb.

Axar.az xəbər verir ki, bu barədə Tramp Ağ Evdə keçirilən mətbuat konfransında çıxışı zamanı danışıb.

Tramp bildirib ki, sözügedən qərara səbəb ölkədə korrupsiyanın geniş yayılması və Kiyevin Avropanı daha geniş əməkdaşlığa məcbur etmək istəyi olub.

Trampın sözlərinə görə, Zelenskinin hakimiyyətə gəlişinə qədər Ukraynada başqa heç bir ölkədə olmayan qədər böyük miqyasda korrupsiya hökm sürüb.

“Faktiki olaraq Ukrayna dünyanın ən korrupsiyalı ölkələrindən sayılırdı. Korrupsiyanın bu qədər çox olduğu ölkəyə pul vermək istəmədim”, - Tramp bildirib.

Qeyd edək ki, Tramp Ukraynaya ayrılan 400 milyon dollarlıq yardımın verilməsini dondurub.