Rusiya və ABŞ beynəlxalq arenadakı rollarını dəyişiblər.

Axar.az xəbər verir ki, bu sözləri İspaniya XİN-nin keçmiş rəhbəri Ana Palasio deyib.

Onun sözlərinə görə, ABŞ-ın indiki siyasəti dünya səhnəsində destruktiv faktora çevrilib. Moskva isə “boz kardinal” rolunu ifa etməyə başlayıb.

“Krımın Rusiyaya birləşdirilməsindən sonra vəziyyət əksinə idi. ABŞ bir neçə ildə beynəlxalq arenadakı lider mövqelərini sürətlə itirdi. Məsələn, Səudiyyə Ərəbistanının neft obyektlərinə hücum edildi. ABŞ Prezidenti Donald Tramp hərbi tvitlər yazanda Rusiya özünü regionda sabitliyin qarantı kimi göstərdi”, - Palasio bildirib.