2019.10.07. 22:40

Türkiyə Xarici İşlər naziri Mövlud Çavuşoğlu iranlı həmkarı Məhəmməd Cavad Zəriflə telefon danışığı aparıb.

Axar.az xəbər verir ki, hələlik telefon danışığının detalları barədə hər hansı məlumat verilməyib.

***

Türkiyənin Suriyanın şimal-şərqindəki əməliyyatları müvəqqəti xarakter daşıyır.

Bu sözləri Türkiyə Xarici İşlər naziri Mövlud Çavuşoğlu iranlı həmkarı Məhəmməd Cavad Zəriflə telefon danışı zamanı deyib.

“Türkiyə Suriyanın ərazi bütövlüyünə hörmət edir”, - deyə türk nazir bildirib.

Öz növbəsində Zərif də hərbi müdaxiləyə qarşı çıxdığını və Suriyanın ərazi bütövlüyünə, stabilliyinə diqqət edilməsinin vacibliyini qeyd edib.

Qeyd edək ki, bundan öncə Zərif Türkiyənin öz təhlükəsizliyini Suriyanın "suverenliyini pozaraq" təmin etmək istədiyini bildirmiş və buna qarşı çıxmışdı. O qeyd etmişdi ki, Türkiyənin öz təhlükəsizliyini təmin etməsinin tək yolu Suriya sərhədinə hərbi qüvvələr yerləşdirməkdir və bunu qarşı tərəfə elan ediblər.