Avropa və Mərkəzi Asiyada iqtisadi artım templəri azalır, demoqrafik vəziyyət pisləşir, miqrasiya isə bu məsələlərin həllinə kömək edə bilər.

Axar.az xəbər verir ki, bu barədə Dünya Bankının hesabatında bildirilib.

“Avropa və Mərkəzi Asiyanın iqtisadi artım templərinin azalması müşahidə olunur. Bu regionda vəziyyətin ağırlaşması demoqrafik tendensiyanın pisləşməsi, xüsusilə əmək qabiliyyətli əhalinin sayının azalması ilə bağlıdır. Miqrasiya isə regionun çiçəklənməsinə kömək edə bilər.

Bir qayda olaraq, miqrantlar əksər hallarda işçi qüvvəsinin sayını, məhsuldarlığı artırmaq və iqtisadi böyüməni sürətləndirməklə demoqrafik vəziyyəti yaxşılaşdıra bilən əmək qabiliyyətli insanlardır”, - hesabatda bildirilib.

Bank qeyd edib ki, son 40 ildə immiqrantların Avropadakı payı sürətlə artıb. İndi dünyada hər 3 miqrantdan biri Avropaya üz tutur.