Ermənistanın Baş naziri Nikol Paşinyanın yeni zirehli avtomobilinin qiyməti 290 min dollardan artıqdır.

Axar.az xəbər verir ki, bu barədə ermənişünas alim İsmayıl Tanrıverdi erməni mətbuatına istinadla məlumat yayıb. Xəbərdə N.Paşinyanın son zamanlar özünün və ailə üzvlərinin lüks həyatını təmin etmək üçün dövlət büdcəsində sui-istifadə etdiyi bildirilib.

Qeyd olunub ki, Paşinyanın ABŞ-a səfəri zamanı kirayələdiyi “super bahalı təyyarə”nin yalnız birtərəfli uçuşu Ermənistanın dövlət büdcəsinə 330 min dollara başa gəlib.

Erməni mətbuatı “lüks vurğunu” Paşinyanın Serj Sərkisyandan miras qalmış zirehli Mersedes S 600 W 221 markalı xidməti maşınını artıq köhnəlmiş hasab etdiyini, buna görə də yeni 2019-cu il istehsalı və tamamilə zirehli avtomobil aldığını yazıb.