Donbasda yaşayanlar bilmədir ki, Ukrayna onları atmayıb və ərazilərlə birlikdə geri qaytaracaq.

Axar.az xəbər verir ki, bunu Ukrayna Prezidenti Vladimir Zelenski bu gün keçirdiyi mətbuat konfransında deyib.

“Orada yaşayan və özlərini ukraynalı hesab edən insanlar bilməlidirlər ki, biz onları atmamışıq və hökmən ərazilərlə birlikdə geri qaytaracağıq. Bu bizim A planımızdır”, - prezident bildirib.

Qeyd edək ki, Zelenski bu gün press-marafon keçirir və bütün gün ərzində medianın suallarını cavablandıracaq.