İlk növbədə, insanlara yardım göstərmək lazımdır. Hər şeydən əvvəl su altında qalmış evlərdəki insanları xilas etmək üçün maksimum çalışmaq lazımdır. İtkin düşənlər tapılmalıdır.

Azərtac xəbər verir ki, bu sözləri Yaponiya Baş nazirinin iqamətgahında təbii fəlakətlə mübarizə ilə əlaqədar yaradılmış qərargahda keçirilən iclasda Şinzo Abe deyib.

Baş nazir bildirib ki, hazırda polis, yanğınsöndürmə bölmələrinin, Sahil Mühafizəsi Xidmətinin və özünümüdafiə qüvvələrinin 110 min əməkdaşı xilasetmə əməliyyatlarına cəlb olunub.

Qeyd edək ki, “Hagibis” tufanı zamanı leysan yağışlar nəticəsində çayların daşması böyük ərazini su altında qoyub. Təbii fəlakət nəticəsində ölən və yaralananlar var.