Vaşinqton Türkiyəyə diplomatik təzyiqi artıracaq.

Axar.az xəbər verir ki, bu barədə Tramp administrasiyasının adı açıqlanmayan yüksək vəzifəli nümayəndəsi “Röyter”ə açıqlamasında deyib.

Sözügedən şəxs bildirib ki, ABŞ Türkiyəni Suriya hərəkatından çəkindirmək üçün daha çox sanksiya tətbiq etmək niyyətindədir.

Amerikalı rəsmi Türkiyənin başlatdığı əməliyyatların Suriyanın şimalındakı vəziyyəti daha da qarmaqarışıq vəziyyətə gətirdiyini əlavə edib:

“Əlaqələrin normallaşmasının şərti atəşkəsin elan edilməsidir”.

Qeyd edək ki, ötən gün ABŞ Türkiyənin üç nazirinə və iki nazirliyinə sanksiya tətbiq edib.