Rusiya Xarici İşlər naziri Sergey Lavrov və iranlı həmkarı Məhəmməd Cavad Zərif arasında telefon danışığı olub.

Axar.az xəbər verir ki, bu barədə RİA Novosti məlumat yayıb.

Telefon söhbəti İran tərəfinin təşəbbüsü ilə baş tutub.

“Suriyanın şimal-şərqindəki vəziyyətin inkişafı ilə bağlı müzakirə aparıldı. Tərəflər Fəratın şərqində əsaslı və uzunvədəli sabitliyin təmin edilməsi üçün Ankara və Dəməşq, eləcə də Suriya hakimiyyəti və ölkə kürdləri arasında suverenliyə və ərazi bütövlüyünə əsaslanan dialoqun qurulmasının vacibliyini ifadə ediblər. Rusiya və İranın bu nöqtədə vasitəçiliyə hazır olduğu bəyan edildi”, - məlumatda bildirilib.