ABŞ Dövlət katibi Mayk Pompeonun Türkiyə açıqlaması səhv tərcümənin nəticəsidir. O, belə məsuliyyətsiz bəyanat verə bilməz.

Axar.az xəbər verir ki, bunu jurnalistlərə açıqlamasında Türkiyənin Özbəkistandakı səfiri Məhməd Sürəyya Ər deyib.

“Düşünürəm ki, adi tərcümə səhvidir. Hesab etmirəm ki, yüksək vəzifəli məmur belə məsuliyyətsiz bəyanat verə bilər. Bizə yazılı, protokol bəyanatlar vacibdir”, – deyə o bildirib.

Qeyd edək ki, bundan öncə Pompeo Trampın ehtiyac yaranacağı təqdirdə Türkiyəyə qarşı əməliyyatlara hazır olduğunu bəyan edib.