120 saatlıq fasilə istədilər, “buyurun” dedik. Əgər vaxt tamamlandığında verilən sözlər yerinə yetirilərsə, demək ki, “Sülh çeşməsi” əməliyyatı məqsədinə çatıb. Əks halda, qaldığımız yerdən daha qətiyyətli şəkildə davam edərik.

Axar.az xəbər verir ki, bu sözləri Türkiyə prezidentinin köməkçisi Fuad Oqtay deyib.

“Prezidentimiz açıqladı, 22:00-da vaxt tamamlanır. Verilən sözlər yerinə yetirilməzsə, hərəkat davam edəcək. Bütün dünyaya elan etmişik. Türkiyənin güclü olması demək - regionda və dünyada sülhün güclənməsi, məzlumlarının ağrı-acılarının sona çatması deməkdir”, - deyə dövlət rəsmisi bildirib.

Qeyd edək ki, təhlükəsizlik bölgəsindən YPG-PKK-nın geri çəkilməsi üçün istənilən 120 saatlıq vaxt bu gün 22:00-da başa çatır.