Cənab Putin çox qətiyyətli danışdı “biz bunları buralardan mütləq atarıq” dedi. Əlbəttə söz verdiyi üçün əgər çıxarılmasalar o zaman bizim vəzifəmiz başlayar.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan Soçi səfərindən qayıdarkən təyyarədə jurnalistlərin suallarına cavab olaraq deyib.

Ərdoğan həmçinin jurnalistlərin YPG-PKK terror qruplaşması üzvlərinin rejim ordusuna daxil olarsa Türkiyəy üçün yaradacağı təhdid barədə sualına da cavab verib:
“Bu mövzu ilə bağlı onsuzda cənab Putinə xatırlatma etmişik. Dedik ki, “bunlar rejimin geyimini geyinərək ərazidə qalsalar necə olacaq?”. Putin isə “izn vermərik, təqibdə olacağıq” cavabını verdi”.