İsrailin Baş naziri Benyamin Netanyahunun ölkənin nüfuzlu nəşrlərindən sayılan “Yedioth Ahronoth” qəzetinin sahibi Arnon Mozesi müsbət xəbərlər yayması üçün təhdid etməsinə dair səs yazıları peyda olub.

Axar.az xəbər verir ki, bu barədə İsrailin “Kanal 13” televiziyası informasiya yayıb.

Səs yazısında Netanyahu qəzetin sahibindən özü və ailəsi barədə müsbət xəbərlər hazırlanmasını istəyir.

“Məni devirsən, mən də əlimdəki bütün imkanlarla sənin arxanca gələrəm. Bu mənim həyatdakı missiyama çevrilər”, - Netanyahu bildirib.

Televiziya həmçinin Netanyahunun qəzetin sahibi ilə razılıqdan sonra nəşrin əsas rəqibi “Hayom”a təzyiq göstərdiyini qeyd edib.