Bağdadidən sonra İŞİD liderinin kim olacağını və onun harada olduğunu bilirik.

Axar.az xəbər verir ki, bu sözləri ABŞ Prezidenti Donald Tramp deyib.

Trampın bu açıqlamasını şərh edən SETA Vaşinqton (Siyasi, İqtisadi və Sosial Tədqiqatlar Fondu) koordinatoru Qadir Üstün Amerika tərəfinin özü üçün lazım olan əməliyyatları icra etdiyini bildirib.

“Bu əməliyyatların qanuniliyi, beynəlxalq hüquqa uyğunluğu çox zaman araşdırılmır. Regiondakı ölkələrlə koordinasiyalı şəkildə həyata keçirilir. Bağdadinin öldürülməsindən sonra yerinə kim gəlirsə-gəlsin, bu qədər qüvvətli fiqur olmayacaq. Artıq Suriyada geniş əraziyə nəzarət edilmir”, - deyə Üstün bildirib.

Qeyd edək ki, bəzi iddialara görə, İŞİD Bağdadinin yerinə Hacı Abdullah əl-Afari ləqəbli terrorçu Abdullah Qardaşı seçib.

“Əl Mayadin” isə Bağdadinin mümkün varisləri sırasında köməkçiləri Abu Abdel Rəhman əl-Cezraui və Əbu Osman əl-Faransinin adını çəkib.