Siyasi birliyi hədəfləyən Avropa Birliyi (AB) hədəf bir kənara, öz daxilində belə kiçilməyə başladı.

Axar.az xəbər verir ki, bu sözləri Türkiyə Xarici İşlər naziri Mövlud Çavuşoğlu deyib.

Nazir bildirib ki, ittifaq özünü inkar etməyə başlayıb:

“Burada radikal sağ təmayülün güclənməsinin təsiri var. Radikal solun da digər təsirləri mövcuddur. Hər ikisinin yaratdığı populizm və dar millətçilik səbəbindən AB-nin dəyərləri deqradasiyaya məruz qaldı. İttifaqlar “çatlamağa” başladı. NATO-nu yaratdıq. Biz də NATO-nu yaradan dövlətlərdənik. Amma alyans daxilindəki ölkələrin fikir və mövqe ayrılığı daha da dərinləşməyə başladı. ABŞ-ın NATO-da təkyönlü siyasəti nəticəsində ittifaq zədələnməyə başlayıb”.