Bu gün Rusiya S-400 havadan müdafiə sistemlərinin müxtəlif versiyalarının dünyada yayılmasını hədəfləyir.

Axar.az xəbər verir ki, bu sözləri ABŞ Dövlət katibinin siyasi və hərbi məsələlər üzrə köməkçisi Klark Koper deyib.

ABŞ rəsmisi bir zamanlar SSRİ-nin də AK-47-ni (Kalaşnikov) bütün dünyada tanıtdığını qeyd edib:

“AK-47 Cənub-Şərqi Asiyadan Afrikaya qədər SSRİ-nin dəstəklədiyi inqilabçıların dünyəvi simvoluna çevrilməsindən bu günə uzun yol qət edib”.

Koper tarixi etiraf edərək, Soyuq müharibə dönəmindən bu yana ABŞ-ın ilk dəfə silah bazarında üstünlüyünü itirdiyini vurğulayıb.