ABŞ-ın 2018-ci il Terrorizm Hesabatında YPG-nin adının qeyd edilməməsi bu qruplaşma ilə əməkdaşlıqlarını gizlətməyən ABŞ rəsmilərinin hüquqla ziddiyyət təşkil edən mövqelərini ört-basdır etmə cəhdidir.

Axar.az xəbər verir ki, bu sözləri Türkiyə Xarici İşlər Nazirliyinin sözçüsü Hami Aksoy deyib.

Aksoy həmçinin bildirib ki, hesabatda FETÖ başçısının “sürgündə olan din adamı” kimi təqdim edilməsi 15 iyul qiyamını görməzdən gəlmək və ya buna dəstək vermək anlamına gəlir.

Qeyd edək ki, sözügedən hesabatda YPG-nin əvəzinə "PKK-nın Suriyadakı qolları" ifadəsi işlədilib.