Ermənistan Baş naziri Nikol Paşinyan bir müddət öncə Mənim Addımım Blokunun deputatları ilə görüşüb.

Axar.az xəbər verir ki, bu məlumatı “Joxovurd” öz mənbələrinə istinadən yayıb. Görüş noyabrın 5-də qapalı rejimdə baş tutub.

Məlumata görə, görüşdə əsas müzakirə mövzusu Ermənistanla qondarma Qarabağ rejimi münasibətləri, cəbhənin təmas xəttindəki vəziyyət olub. Deputatlar Paşinyandan həmçinin Vitali Balasanyanın son bəyanatları barədə də soruşublar.

Paşinyan deputatlara cavabında Ermənistanla “Qarabağ arasında” heç bir gərginliyin olmadığını, cəbhədə vəziyyətin sakit olduğunu deyib. O, həmçinin, Ermənistanın 2020-ci ildə qondarma rejimdəki seçkiyə qarışmayacağını söyləyib.