Türkiyədə saxta dərman satan qrupun üzvü N.T.-nin qardaşının xərçəngdən öldüyü, özünün də xərçəng xəstəliyinə görə müalicə aldığı məlum olub.

Bazarda qiyməti 2 manat 50 qəpik olan dərmanların etiketlərini dəyişdirərək "xərçəng dərmanı" adı ilə baha qiymətə satan 40 nəfərlik cinayətkar qrup məhkəməyə çıxarılıb. Qrup yaxalananda maraqlı məlumatlar da ortaya çıxıb.

Müştəriləri arasında bir məşhur müğənni də olub

Saxta dərman satan şəbəkənin özəl bir xəstəxana vasitəsi ilə yüz ayrı xəstəyə saxta dərman satdığı təsdiqlənib. İndi bu xəstələr bir-bir dəqiqləşdirilir. Siyahıda məşhur bir müğənninin olduğu söylənsə də, hələ ki, adını gizli saxlayırlar.