Fransa Prezidenti Emmanuel Makronun NATO-nun “beyin ölümü”nün baş tutması ilə bağlı açıqlaması avropalıların kollektiv şəkildə ABŞ Prezidenti Donald Trampdan və onun siyasətindən narazılığını göstərir.

Axar.az xəbər verir ki, bu sözləri rusiyalı politoloq Stanislav Bışok deyib.

“Makronun bu çıxışını iki aspektdə dəyərləndirmək mümkündür: Əvvəla, burada avropalı həmkarların Tramp və onun siyasətindən kəskin narazılığı hiss olunur. İkincisi isə bu, Avropa İttifaqı çərçivəsində inteqrasiyanın dərinləşdirilməsi, Aİ-nin beynəlxalq subyekt kimi statusunun artırılması arzusunu ifadə edir. Burada əlahiddə Ümumavropa ordusu ideyasından da danışa bilərik. Yüzillərin təcrübəsi göstərir ki, Ümumavropa silahlı qüvvələri daha uzunmüddətli və döyüş bacarıqlı olardı, nəinki indiki NATO...” - deyə ekspert bildirib.

Qeyd edək ki, Makron NATO-nun “beyin ölümü” keçirdiyini demişdi.