NATO üzvü olan bir dövlətin lideri kimi Fransa Prezidenti Emmanuel Makron alyansın vəziyyətini qiymətləndirmək iqtidarındadır.

Axar.az xəbər verir ki, bu barədə Rusiyanın Xarici İşlər naziri Sergey Lavrov danışıb.

“Tibbi məsələyə gəldikdə isə diaqnozlarla bağlı hər hansı polemikaya daxil olmaq istəməzdim. Makronun bu diaqnozu göz qabağındadır, onun bunu söyləməyə haqqı var. O, NATO-nu məndən daha yaxşı tanıyır, çünki NATO-ya liderlik edən ölkələrdən birini təmsil edir. Xarici siyasət doktrinamızda göstərildiyi kimi, NATO ilə bərabərhüquqlu, eyni dərəcədə faydalı əməkdaşlıq qurmaq bizim maraqlarımız daxilindədir. Ona görə də NATO “sağalan” kimi biz özümüzü gözləməyə məcbur etməyəcəyik”, - Lavrov bildirib.