Rusiyanı bu gün Dövlət Təhlükəsizlik Komitəsinin keçmiş zabiti idarə edir, hansı ki, qonşu ölkələrə müdaxilə edir və opponentlərini öldürür.

Axar.az xəbər verir ki, bunu Berlində çıxışı zamanı ABŞ Dövlət katibi Mayk Pompeo deyib.

“Qərb - bizim hamımız Berlin divarının sökülməsindən sonra azdıq. Biz düşünürdük ki, resurslarımızı müttəfiqlərimizdən və hərbçilərimizdən başqa yönə yönləndirə bilərik. Təəssüf ki, biz yanıldıq. Biz yanıldıq və çox dövlətlərin seçdiyi kursa nəzər yetirə bilmədik. Bu gün Rusiyanı Dövlət Təhlükəsizlik Komitəsinin keçmiş zabiti, nə vaxtsa Drezdendə çalışan şəxs idarə edir, hansı ki, öz qonşularına müdaxilə edir və siyasi opponentlərini öldürür”, - deyə o bildirib.

Pompeo Avropanın Rusiya enerji resurslarından asılı olmasını istəmədiyini deyib. O, Qərb ölkələrinin gücünün onların birliyində olduğunu bildirib.

Dövlət katibi məhz buna görə Donald Trampın İrana qarşı təzyiqləri gücləndirilməsini istədiyini söyləyib.