Niderlandın Lahey məhkəməsi Suriyanın şimal-şərqindəki düşərgələrdə olan İŞİD üzvlərinin övladlarının ölkəyə gətirilməsinə qərar verib.

Axar.az xəbər verir ki, məhkəmə 56 uşağın öz istəkləri xaricində pis şəraitdə yaşadığına, bu səbəbdən hökumətin uşaqların ölkəyə gətirilməsi ilə bağlı siyasətini dəyişdirməsi gərəkdiyinə qərar verib.

Məhkəmə İŞİD üzvü olan qadınların öz istəkləri ilə təşkilata qatıldıqlarını, buna görə də geri qaytarılmağa haqları olmadığı qənaətinə gəlib. Məhkəmədə həmçinin uşaqların analarından ayrı ölkəyə qaytarılmasına icazə verilməyəcəyi təqdirdə analarının da gəlməsinə icazə veriləcəyi bildirilib.