Türkiyə təhdidlərə boyun əyərək Şərqi Aralıq dənizindəki haqqından vaz keçməyəcək.

Axar.az xəbər verir ki, bu sözlər Türkiyə Xarici İşlər Nazirliyinin yaydığı bəyanatdandır.

Nazirlik bəyanatda Avropa Birliyinin bütün addımlarına rəğmən, rəsmi Ankaranın Şimali Kipr Türk Respublikasının hüquqlarını qorumağa davam edəcəyini vurğulayıb:

"AB Kipr böhranının həllində aparıcı rol oynamaq şansını çoxdan itirib. Bu təşkilatın Şərqi Aralıq dənizi ilə bağlı məsələdə faydalı mövqe sərgiləyəcəyi gözlənilmir".

Qeyd edək ki, Avropa Birliyi Türkiyənin Şərqi Aralıq dənizindəki fəaliyyətlərinə cavab tədbiri görülməsi haqda qərar qəbul edib.